Nero Claudius Drusus
| Nero Claudius Drusus | |
|---|---|
 | |
| Ganwyd | Decimus Claudius Drusus  14 Ionawr 38 CC Rhufain |
| Bu farw | 14 Medi 9 CC Germania |
| Dinasyddiaeth | Rhufain hynafol |
| Galwedigaeth | gwleidydd, person milwrol |
| Swydd | Praetor, quaestor, Conswl Rhufeinig |
| Tad | Tiberius Claudius Nero |
| Mam | Livia |
| Priod | Antonia Minor |
| Plant | Germanicus, Livilla, Claudius |
| Llinach | Julio-Claudian dynasty, Claudii Nerones |
Cadfridog Rhufeinig oedd Nero Claudius Drusus Germanicus, ganed Decimus Claudius Drusus ac a elwir fel rheol yn Drusus, neu Drusus yr Hynaf (14 Ionawr 38 CC - 9 CC). Ef oedd mab ieuengaf Livia, yn ddiweddarach yn wraig yr ymerawdwr Augustus, a'i gŵr cyntaf, Tiberius Claudius Nero.
Ganed ef ychydig cyn i Livia ysgaru Tiberius Claudius Nero er mwyn priodi Augustus. Magwyd ef yn nhŷ Claudius Nero gyda'i frawd Tiberius, a ddaeth yn ymerawdwr yn ddiweddarach.
Priododd Antonia Minor, merch Marcus Antonius a chwaer Augustus, Octavia Minor. Roedd y briodas yn un nodedig o glos, ac wedi marw Drusus bu Antonia yn weddw am bron hanner canrif hen ail-briodi. Cawsant bump o blant; bu dau farw yn ieuanc. Y tri arall oedd Germanicus, Livilla a Claudius, a ddaeth yn ymerawdwr.
Bu'n ymladd yn yr Alpau, cyn cael ei benodi'n llywodraethwr Gâl yn 13 CC. Pan ymosododd llwyth Almaenig ar ei dalaith, gwrth-ymosododd Drusus tu hwnt i Afon Rhein, gan orfodi'r Ffrisiaid i dalu teyrnged flynyddol. Parhaodd i ymgyrchu yn yr Almaen dros y blynyddoedd nesaf, gan ennill buddugoliaethau dros y Chatti a'r Sicambri.
Bu farw yn 9 CC o ganlyniad i ddisgyn oddi ar ei geffyl, er iddo fyw am fis ar ôl y ddamwain. Ysgrifennodd yr ymerawdwr Augustus fywgraffiad iddo, ond nid yw wedi goroesi.